手痕…我的弱點

其實好簡單，我份人太貪食貪玩，平時買衫要左度右度，但講到食嘢飲嘢，同埋去旅行，真係可以要幾豪有幾豪。

今日去時代Christmas shopping，本來係打算買嘢比朋友同啲細路仔，點知唔小心行咗入去某P書店，睇吓睇吓，就攬住四本書送比自己，明知出邊D本地書店會平起碼一成，又明知屋企仲有成棟買咗幾個月都未睇嘅書響度，但都係忍唔住手痕買咗。以我買書速度＞睇書速度呢睇，我係永遠冇可能令自己嘅outstanding book list goes to zero。除非忍手，但應該冇乜可能。

仲有以下物品我會毫不留手去買：CD、concert飛、超舒服嘅鞋。

又，非常手痕想打波，但因為唔可以跑，所以冇人肯同我打，唯有繼續痕落去。唉。我實在太鐘意玩啦。